Во “Службен весник на РСМ” бр.215/26 од 14 септември 2026 година, објавено е:
– АВТЕНТИЧНО ТОЛКУВАЊЕ НА ЧЛЕНОТ 23 СТАВ 1 ТОЧКА 18 ОД ЗАКОНОТ ЗА ДАНОКОТ НА ДОДАДЕНА ВРЕДНОСТ
(„СЛУЖБЕН ВЕСНИК НА РЕПУБЛИКА МАКЕДОНИЈА“ БРОЈ 44/1999, 59/1999, 86/1999, 11/2000, 8/2001, 21/2003, 19/2004, 33/2006, 45/2006, 101/2006, 114/2007, 103/2008, 114/2009, 133/2009, 95/10, 102/10, 24/11, 135/11, 155/12, 12/14, 112/14, 130/14, 15/15, 129/15, 225/15, 23/16, 189/16 И 198/18 И „СЛУЖБЕН ВЕСНИК НА РЕПУБЛИКА СЕВЕРНА МАКЕДОНИЈА“ БРОЈ 96/19, 98/19, 124/19, 275/19, 267/20, 163/21, 57/22, 199/23, 3/25, 247/25, 267/25 И 98/26).
Согласно ова толкување членот 23 ставот 1 точката 18 од Законот за ДДВ која пропишува дека од данок на додадена вредност без право на одбивка на претходен данок се ослободуваат услуги на погребални институции и крематориуми, како и прометот на добра поврзан со ваквите услуги, треба да се толкува така што ослободувањето од данокот на додадена вредност се применува на услугите кои ги вршат погребалните институции и крематориумите. Ослободувањето од данокот на додадена вредност се применува и на прометот на добра кој треба да е функционално и наменски поврзан со услугите на погребување при
што добрата не е задолжително да бидат испорачани заедно со конкретна погребална услуга, ниту пак прометот на тие добра да биде извршен исклучиво од погребална институција и крематориум.
Преземи толкување https://professionalaccount.mk/wp-content/uploads/2026/09/avtentichno-tolkuvane-chlen-23-od-ddv-pogrebalni-uslugi.pdf