Slika-finance

ОБРАЗЕЦОТ ДЛД-ОМА/1 ЗА ОСЛОБОДУВАЊЕ ОД ПЛАЌАЊЕ НА МЕСЕЧНИТЕ АКОНТАЦИИ НА ДЛД Е ПОСТАВЕН ВО Е-ПДД И РОКОТ ЗА НЕГОВО ПОДНЕСУВАЊЕ Е ПРОДОЛЖЕН ЗАКЛУЧНО СО 14 ДЕКЕМВРИ 2020 ГОДИНА

by UncategorizedИнформации

Известување од Управата за јавни приходи:

ОСЛОБОДУВАЊЕ ОД ПЛАЌАЊЕ НА МЕСЕЧНИТЕ АКОНТАЦИИ НА ДЛД ОСТВАРЕН ОД ВРШЕЊЕ НА САМОСТОЈНА ДЕЈНОСТ

Пристапот до Барањето за потполнување и поднесување можете да го пронајдете во главното мени во Доход од вршење самостојна дејност/ДЛД-ОМА/1*

Управата за јавни приходи ги известува даночните обврзници кои остваруваат доход од вршење на самостојна дејност, дека на системот ,,е- Персонален данок,, е поставено Барањето за ослободување од плаќање на месечните аконтации на данокот на личен доход.

Користењето на правото се однесува на даночните обврзници кои остваруваат доход од самостојна дејнoст, а кои имаат претрпено штети во своето работење поради спроведување на мерките за спречување на внесување и ширење на COVID-19 на Владата на Република Северна Македонија доколку ги исполнуваат следните услови

  • даночниот обврзник – работодавач да не го намали бројот на вработени за времетраење на користењето на ослободувањето од плаќање на месечните аконтации на данокот на личен доход остварен од вршење на самостојна дејност во однос на бројот на вработени заклучно со 30 ноември 2020 година, освен во случаите на смрт, пензионирање или отказ од страна на вработените;
  • вкупните приходи од редовното работење на даночниот обврзник да се намалени за најмалку 30% во периодот април – септември 2020 година во однос на приходите од редовно работење во периодот април – септември 2019 година, и/или даночниот обврзник да затворил најмалку 50% од продажните места преку кои го остварува прометот (подружници, продажни објекти).

За остварување на правото, даночните обврзници поднесуваат Барање за ослободување од плаќање на месечните аконтации на данокот на личен доход остварен од вршење на самостојна дејност(образецот ДЛД-ОМА/1) до Управата за јавни приходи, најдоцна до 5-ти наредниот месец за месецот за кој што обврзникот бара ослободување од плаќање на месечните аконтации на данокот на личен доход остварен од вршење на самостојна дејност за месеците ноември и декември 2020 година, како и за јануари и февруари 2021 година.

Поднесувањето на барањето се врши преку системот е-Персонален данок https://e-pdd.ujp.gov.mk, а комплетното барање го потврдува Управата за јавни приходи, во рок од 10 дена од денот на доставувањето на барањето. Поднесувањето на барањето за месец ноември ќе биде дозволено заклучно со 14.12.2020 година.

Линк од известувањето: http://www.ujp.gov.mk/mk/javnost/soopstenija/pogledni/830 .

taxes-646512_960_720

ОБЈАВЕНИ ЗАКОНИ ОД ОБЛАСТА НА ДАНОЦИТЕ

by UncategorizedИнформации

Во “Службен весник на РСМ” бр. 290/20 објавени се:

  • Закон за изменување и дополнување на Законот за данокот на добивка,
  • Закон за изменување и дополнување на Законот за данокот на личен доход и
  • Закон за дополнување на Законот за даночна постапка.

Законите влегоа во сила од 7 декември 2020 година, а некои одредби ќе започнат да се применуваат од 1 јануари 2021 година.

denari_0 (1)

ЗАКОНОТ ЗА ФИНАНСИСКА ПОДДРШКА НА ГРАЃАНИ ОД РАЗЛИЧНИ КАТЕГОРИИ Е ОБЈАВЕН ВО СЛУЖБЕН ВЕСНИК

by UncategorizedИнформации

Законот за финансиска поддршка на граѓани со низок доход, корисници на пензија, корисници на право на социјална сигурност на стари лица, млади лица, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници е ОБЈАВЕН во “Службен весник на РСМ” бр. 290/20 и влезе во сила од 7 декември 2020 година.

СОГЛАСНО ЗАКОНОТ ВО РОК ОД 8 ДЕНА, ОДНОСНО ДО 15 ДЕКЕМВРИ 2020 ГОДИНА, ГЕНЕРАЛНИОТ СЕКРЕТРИЈАТ НА ВЛАДАТА РСМ НА СТРАНИЦАТА WWW.KUPUVAMDOMASNO.GOV.MK, ЈА ОБЈАВУВА КОНЕЧНАТА ЛИСТА НА КОРИСНИЦИ НА ФИНАНСИСКА ПОДДРШКА. Дали сте корисници ќе може да проверите со впишување на Вашиот ЕМБГ. 

Во Законот е пропишано дека подзаконски акти треба да се донесат во рок од пет дена од влегување во сила на Законот.

За повеќе информации проверете ги Вашите претплатнички електронски адреси.

 

 

percentage-1924521_960_720

ПРОЦЕНТОТ НА КУМУЛАТИВНИОТ ПОРАСТ НА ЦЕНИТЕ НА МАЛО ЗА МЕСЕЦ НОЕМВРИ 2020 ГОДИНА Е ПОЗИТИВЕН

by UncategorizedИнформации
Процентот на пораст на цените на мало за аконтацијата на данокот на добивка за месец ноември 2020 година е ПОЗИТИВЕН и изнесува 0,3%, исто како и за месец октомври 2020 година.
Месечната аконтација за ноември 2020 година се утврдува како 1/12 од годишната даночна обврска утврдена во Даночниот биланс за 2019 година (АОП 56) зголемена за 0,3%.
Рокот за плаќање на аконтацијата на данокот на добивка за месец ноември е најдоцна до 15 декември 2020 година.
5742876

ТРЕТА БЕСКАМАТНА КРЕДИТНА ЛИНИЈА СО ГРАНТ КОМПОНЕНТА ЗА МИКРО И МАЛИ ПРЕТПРИЈАТИЈА- “КОВИД 3”

by UncategorizedИнформации

Развојната банка на Северна Македонија АД Скопје, денес, 7 декември 2020 година, го објави следниот:

 ЈАВЕН ПОВИК бр.1
ФОНД ЗА МИКРО И МАЛИ ПРЕТПРИЈАТИЈА
за поднесување на кредитно барање за директно кредитирање на
микро и мали претпријатија погодени од Ковид-19
(Ковид-3)

Кредитните барања за јавниот повик се доставуваат 15 дена, со почеток од 16 декември 2020 година од 00:01 часот до 30 декември 2020 година во 23:59 часот.

Повикот може да го погледнете на следниот линк https://mbdp.com.mk/mk/vesti/687-1-7 .

119215024_740466903218831_5921181792395570094_o 1

ОНЛАЈН СОВЕТУВАЊЕ НА 22 ДЕКЕМВРИ (ВТОРНИК) 2020 ГОДИНА

by Uncategorized

Почитувани,

Ве покануваме на онлајн советување кое ќе се одржи на 22 декември (вторник) 2020 година преку ZOOM платформата.

Темите на предавањето ќе опфатат актуелни предлог измени и дополнувања на Закони од областа на даноците кои се очекува да се објават до крајот на годината, извршување на попис кај трговските друштва и трговците поединци, услови и начин на враќање/невраќање на финансиската поддршка која работодавачите ја добиле во 2020 година…

Комплетната програма и агенда за советувањето ќе ги објавиме дополнително.

Надоместот за советувањето изнесува 2.360 денари (со вклучен ДДВ 18%).

Доколку сакате да присуствувате, Ве молиме да се пријавите на следниот линк https://docs.google.com/forms/d/15g2Uk_c1Cwtgj3ku6X873LX7kj2qbJnYj4Hg2gpTcz4/edit .

stack-4786423_960_720 1

ПРЕДЛОГ ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ДАНОКОТ НА ЛИЧЕН ДОХОД

by Uncategorized

Во собраниска процедура се наоѓа Предлог Закон за изменување и дополнување на Законот за данокот на личен доход.

Предлог Законот ги содржи следните решенија:

1. Ослободување од плаќање на аконтациите на данокот на личен доход за месеците ноември и декември 2020 година, како и за јануари и февруари 2021 година за обврзниците на данокот на личен доход по основ на остварен доход од самостојна дејност и кои имаат претрпено штети во своето работење поради ширење на коронавирусот COVID-19.

2. Неоданочување на уплатенaта премиja за доброволно здравствено осигурување (дополнително и приватно здравствено осигурување) на вработените до одреден лимит.

3. Неоданочување на платените тестови за COVID-19 за вработени лица во износ до 9.000 денари на годишно ниво по вработен.

4. Неоданочување на трошоците за доквалификација и обуки на вработените.

5. Неоданочување на даден репроматеријал без надоместок (семенски материјал и производи за заштита на растенија во расадопроизводство) согласно Закон.

6.  Неоданочување на ваучер на  активен  спортист издаден од Агенцијата за млади и спорт, согласно со Законот за спортот.
и
7.  Доуредување на одредбите за вршителите на самостојна дејност (за амортизација, на начинот на пресметка и плаќање на аконтациите на данокот на доход од самостојна дејност…)

18406_slide

КОРИСНИЦИТЕ НА МОЈ ДДВ…

by Uncategorized

КОРИСНИЦИТЕ НА МОЈ ДДВ КОИ ОДГОВОРИЛЕ ПОТВРДНО НА ОПЦИЈАТА ЗА ДОНАЦИЈА ИМААТ МОЖНОСТ ДА ГО ПРОМЕНАТ ОДГОВОРОТ НАЈДОЦНА ДО 30 ЈУНИ 2020 ГОДИНА

Корисниците на апликацијата Мој ДДВ кои потврдно одговориле на опцијата за донација на дел од данокот на додадена вредност ќе имаат можност да го променат одговорот се додека е отворена опцијата за избор, но најдоцна до 30.6.2020 година и износот на делот на данокот на додадена вредност за кој се стекнале со правото на враќање за првото календарско тримесечје во 2020 година ќе им биде исплатен на трансакциската сметка до 30 јули 2020 година.

Исто така, од 13 јуни и не подоцна од 31.12.2020 година, враќањето на делот од данокот на додадена вредност пресметан на прометот на македонски добра и услуги се врши во висина од 20% од пресметаниот данок искажан во поединечна фискална сметка. Враќањето на делот од данокот на додадена вредност за прометот на останати добра и услуги се врши во висина од 10% од пресметаниот данок на додадена вредност искажан во поединечна фискална сметка.

Уредбата со законска сила за изменување и дополнување на Уредбата со законска сила за примена на Законот за враќање на дел од данокот на додадена вредност на физичките лица за време на вонредна состојба со која се пропишани горенаведените измени е објавена во “Службен весник на РСМ” бр.156/20 и влезе во сила од 12 јуни 2020 година.

3

ФИНАНСИСКА ПОДДРШКА ЗА СТУДЕНТИ ЧИЕ ОБРАЗОВАНИЕ СЕ ФИНАНСИРА ОД БУЏЕТОТ НА РСМ

by Uncategorized

ФИНАНСИСКА ПОДДРШКА ЗА СТУДЕНТИ ЧИЕ ОБРАЗОВАНИЕ СЕ ФИНАНСИРА ОД БУЏЕТОТ НА РСМ И ЗА УЧЕНИЦИ ЗАПИШАНИ ВО ЈАВНИТЕ СРЕДНИ УЧИЛИШТА ЗА КУПУВАЊЕ УЧИЛИШЕН ПРИБОР

Финансирањето на студентите и учениците е пропишано во следните Уредби:

– Уредба со законска сила за плаќање на дел од партиципацијата во трошоците за студирање за студенти, партиципација за сместување во студентски дом и партиципација на трошоците за приватно сместување на студенти чие образование се финансира од Буџетот на Република Северна Македонија, а се од семејни домаќинства со низок доход, за време на вонредна состојба и
– Уредба со законска сила за доделување на финансискa поддршка на ученици запишани во Јавните средни училишта за купување на училишен прибор, а кои се од семејни домаќинства со низок доход, за време на вонредна состојба.

Уредбите се објавени во “Службен весник на РСМ” бр. 157/20 година и влегоа во сила од 13 јуни 2020 година.

Еден од условите студентите и учениците да добијат финансиска поддршка, за студентите во форма на покривање на дел од трошоците за студирање (еднократно 6.000 денари) и за учениците домашна платежна картичка (во износ од 3.000 денари) за купување училишен прибор е да се членови на семејно домаќинство во кое остварениот просечен месечен доход во семејството по сите основи за 2019 година не е поголем од просечната исплатена нето плата по вработен за месец март 2020 година, објавена од Државниот завод за статистика, согласно евиденцијата на Управата за јавни приходи.
Финансиската поддршка ќе се спроведува преку интернет платформата www.digitalizirajse.mon.gov.mk,
односно http://www.digjitalizohu.mon.gov.mk/.
Активацијата на интернет страните е најавена за 45 дена од денот на влегување во сила на Уредбата.

2

ОСЛОБОДУВАЊЕТО ОД ПЛАЌАЊЕ НА ИЗНОСОТ НА АКОНТАЦИИТЕ…

by Uncategorized

ПРОДОЛЖУВА ОСЛОБОДУВАЊЕТО ОД ПЛАЌАЊЕ НА ИЗНОСОТ НА АКОНТАЦИИТЕ НА ДАНОКОТ НА ДОБИВКА И ЗА МЕСЕЦИТЕ ЈУНИ И ЈУЛИ 2020 ГОДИНА

Обврзниците на данокот на добивка кои имаат претрпено штети во своето работење поради ширење на Коронавирусот COVID-19, имаат право на ослободување од плаќање на износот на аконтациите на данокот на добивка покрај за месеците март, април и мај 2020 година и за месеците јуни и јули 2020 година.

Измените се објавени во Уредбата со законска сила за изменување на Уредбата со законска сила за примена на Законот за данок на добивка за време на вонредна состојба ( “Службен весник на РСМ” бр.169/20) која влезе во сила од 22 јуни 2020 година.

Изменет е и датумот (во еден од условите), до кој даночните обврзници кои ги вршат дејностите наведени согласно со Националната класификација на дејности – НКД Рев. 2: угостителска дејност (шифра 56-Дејности за подготовка и служење на храна), туризам (шифра 79-Туристички агенции организатори на патувања (туроператори) и останати резервациски услуги како и дејностите поврзани со нив и шифра 55-Објекти за сместување) и транспорт (шифра 49-Копнен транспорт и цевоводен транспорт, шифра 50-Воден транспорт и шифра 51-Воздухопловен транспорт), НЕ СМЕАТ ДА ИСПЛАЌААТ дивиденда на сопствениците, награда за деловна успешност (учество во добивка, бонус) или друг вид на годишна награда на вработените и органите на управување и надзор на даночниот обврзник, и тоа од денот на влегувањето во сила на Уредбата со законска сила на примена на Законот за данок на добивка за време на вонредна состојба до денот на траењето на ослободувањето 15 август 2020 година (наместо 15 јуни како што гласеше одредбата досега).

Како прилог на Уредбата со законска сила за изменување на Уредбата со законска сила на примена на Законот за данок на добивка за време на вонредна состојба објавено е ново Барање за ослободување од плаќање на износот на аконтациите на данокот на добивка (ДД-ОМА)